Nishchint’s Desk

पहाटेच जाग आली. . तर समोर काचेतून टुमदार घरं दिसत होती . सगळीच घरं एक जात सुंदर होती. त्यांच्यासमोरून लहानशी गल्ली होती. रस्त्याला लागून त्या एक सारख्या दिसणाऱ्या घरांच्या कुंपणापर्यंत छान हिरवेगार गवत होते. त्यावरून एक जण कुत्र्याला फिरवत होता. मध्येच त्या श्वानाने त्याचा नैसर्गिक विधी उरकला. सोबतच्या त्या व्यक्तीने लगेचच हातातल्या पिशवीने ते उचलले. अरे , परवा आपण मॉलमध्ये गेलो होतो ना ,  मला वाटलं आपल्या पुढचा तो  मनुष्य दार सोडून पुढे निघून जाईल.  पण  आपल्याला येतांना बघून तो चक्क दार धरून थांबला की रे!   भले काही सेकंद थांबला , पण आपल्या मागून लगोलग कोणीतरी येत आहे तर त्याच्यासाठी दार धरून ठेवण्याचे सौजन्य त्याने दाखवावे ? काय पण हा सायकलवाला ?  ह्याला कोण जाऊन सांगणार की त्याच्यामुळे आपण मागे अडकलो आहोत.  आता ह्याला आपल्या गाडीचा आवाज येत नसेल का ?   पण तुम्हाला हॉर्न वाजवायची परवानगी नाही , आणि त्याला ओव्हरटेक करायच असेल तर नियमांचं भान ठेवायचं ते ही ह्या जंगलात जिथे तो आणि फक्त आपणच आहोत.     " आजी तू आणि आई या इथे ...

  " गुड मॉर्निंग , सर!" आकाशने केबिनचे दार नॉक करून आत येऊ का म्हणून विचारले.  " अरे , ये! तुझीच वाट बघतोय." " सॉरी पीटीला थोडा जास्त वेळ थांबावं लागलं." आकाश एका जिममध्ये प्रशिक्षक ( Trainer) म्हणून काम करतो. एकदा विषयाच्या संदर्भात बोलताना त्याला माझ्या व्यवसायाची माहिती समजली , आणि आपण एखाद दिवस जरूर भेटू असे म्हणून तो दिवस आज उगवला.  मी आकाशला त्याच्या कुटुंबाविषयी माहिती करून घेण्याच्या प्रयत्नात काही प्रश्न विचारू लागलो.  " सर माझी गुंतवणूक ही स्वतःला आणि कुटुंबाला फिट ठेवण्यात होते. साहेब तुम्ही आजूबाजूला बघाल ना तर मी तुम्हाला पैज लावून सांगतो एक जात सगळे ढेरपोटे झाले आहेत. मग पैसा लागतोय कुठे ?  पन्नाशीनंतर ही ढेरी त्रास द्यायला सुरुवात करते की!  ‘When a belly becomes a pot, it troubles you lot!’ आणि दुसरी बाब म्हणजे माझ्या मुलाचं कसं काय होणार ? ह्या दोन शारीरिक आणि मानसिक चिंताच साध्या जगण्याचा आनंद हिरावून घेत आहे. सर , आम्हा दोघा भावंडांची लग्न झालेली आहेत. तुम्ही आर्थिक नियोजन करून देता ते ठीक पण आम्ही एक वेगळीच  नियोजन पद्धत स्वीकारली आ...