Nishchint’s Desk

  नमस्कार , मंडळी! झालं असं मागे पहिल्या पावसाच्या सरींचा आनंद घेण्याच्या निमित्ताने आमची मस्त पैकी पार्टी झाली. आम्ही जमलोच ते अर्ध अधीक ओले होऊन. त्यामुळे गरमागरम कांदाभजीची लज्जत काही वेगळीच लागली. सोबत हिरवीकंच मिरची आणि वडापाव ही होताच. त्या तिखट-झणझणीत वडापाव-मिरचीच्या स्वादाला गरमागरम चहाचा झुरका जिभेला चटका लावत होता . “ म्युचलफंडातील गुंतवणुक आणि रेशो!” प्रशांत , हातातील वडापावच्या कागदावरचा मजकूर वाचत होता.  “ अरे , बरं झालं! योग्य वेळी हे समोर आलं. मला सांग , आता हा ‘ Standard Deviation’ चा रेशो असतांना ‘ Sharp Ratio’ कशाला हवा ?  त्याचा काय उपयोग ?” “ सांगतो! ” मी म्हणालो. “ आता , ‘Standard Deviation’ ह्या रेशोचा निकष लावून एखाद्या फंडाची कामगिरी बघतांना त्याच्या वार्षिक परताव्यात ( Annual Return) सरासरीच्या ( Average Return) तुलनेत किती प्रमाणात बदल आहे (Volatility/Risk) हे पाहिले जाते ; तो बदल जर कमी प्रमाणात असेल तर त्या फंडाची कामगिरी ही सहाजीकच उत्तम! हे तर तू जाणतोस! ह्या बदलाला आपण , ‘Standard Deviation’  म्हणतो! ” प्रशांतने मान डोलावली. “ आत...

धुरळा उडवत जीप एका कौलारु घरासमोर उभी राहिली .   एकेक करून एक , दोन आणि तीन माणसं उतरली. डोक्यावर फेल्ट हॅट , डोळ्यावर गॉगल , हातात फिशिंग रॉड  त्यांच्या गाडीचा आवाज ऐकून गेटवर दोन कुत्रे भुंकत धावत आले. आपण ओळखलं असेलच हे त्रिकूट पिकनिकला आलंय. डोंगराच्या एका टोकाला शांत जलाशयाच्या बाजुलाच टुमदार कौलारु बंगली होती. बाहेर व्हरांड्याच्या समोर गवतावर केनच्या खुर्च्या होत्या , बंगल्याचा केअर टेकर झाडांना पाणी घालत होता. “ शेरी-लुई! कम् हियर!” त्या केअर टेकरने त्या दोन्ही जनावरांना आवरलं. या! असो. मंडळी ,  व्हा की मोकळे आता! अगदी एप्रिल पर्यंत इअरएंडचं काम जोरकसपणे केलंत.   आता जरा निवांतपणा घ्या! हं मंडळी , मला कल्पना आहे की आपण म्हणाल की “राव , असा निवांतपणा तर आम्ही दर महिना अखेरला घेतोच की!” बरोब्बर! पण मी सुचवतोय तो हा असा निवांतपणा ,  आपल्या जिगरी दोस्तांबरोबर आणि तोही दर ३-४ महिन्यांनी!  म्हणजे मंडळी , तेच तेच ऑफिसचे , व्यवसायाचे वगैरे विषय निघत नाहीत. लहानपणीच्या  शाळा - कॉलेजमधील आठवणी , थट्टामस्करी एकदम खळखळून हसवतात आणि विशेष म्हणजे ह्या थट्टाम...