Nishchint’s Desk

  हा ये रे! नितीनने दार उघडले. आज काय ठाण्यातले कॅाल्स का ? हो! म्हंटलं बरेच दिवस भेटला नाहीस तर भेटून जावं. मला आठवतं आमची दोघांच्या सामयिक मित्रामुळे ओळख झाली.  तो माझा उमेदवारीचा काळ होता. साहजिकच मेहनत आणि शिक्षण दोन्हींचा कस एकाच वेळी आणि तेही मार्केट मध्ये , चार भिंतींतील सोडवलेल्या पेपरप्रमाणे बंदिस्त नाही. म्हणजे जो काय रिझल्ट लागेल तो समोरासमोर उघडपणे. म्हणजे एकतर समोरची व्यक्ती तुमच्या विधानाला , शब्दाला मानेल तरी किंवा सरळपणे पर्दाफाश करून मोकळी तरी होईल. त्यामुळे खूपच जपून , तोलून- मापून बोलणे आवश्यक आणि मला तर आयुर्विमा योजना विकायची होती. नवशिका असल्याने दडपण होते. नितीनचे वडिल त्या वेळेस ‘ UTI’  करता काम करत सोबत कंपन्याच्या मुदत ठेवी योजनाही विकत असत ; त्यावेळी मला आठवतं ‘ Ceat’  कंपनी   १७% व्याज देत होती. त्यामुळे काका फक्त रिटर्नवरच बोलत. त्या वेळी पोस्टाच्या योजनांप्रमाणे विमा , किती मिळणार आणि केव्हा मिळणार ?  ह्या दोन मुद्द्यांवरच विकला जात होता. त्यापुढे , सेलिंग पॅाईंट , कर सवलत ( Income Tax Rebate) मिळणार ना ?  आणि पगारदार व...

मधल्या काळात एका इंग्रजी वृत्तपत्राच्या पाक्षिकातील लेख वाचनात आला. त्याने युलीप योजना कशा अयोग्य आहेत त्याविषयी बरीच मुक्ताफळे उधळली होती आणि त्याच्या म्हणण्यानुसार गुंतवणुकीसाठी फक्त बाजारच योग्य आहे. मंडळी , गुंतवणुकीचे त्या त्या काळातील उपलब्ध असलेले मान्य पर्याय हे गुंतवणूकदारांची भलामण करण्यासाठी नसून प्रत्येकाच्या मानसिकतेतील जोखीम घेण्याच्या कमी-अधिक वृत्तीला पूरक असतात.  उदाहरणच द्यायचं झालं तर बँकेतील मुदत ठेव योजना ( Fixed Deposits), यावरील परतावा हा अत्यंत जुजबी स्वरूपातील असूनही त्यात गुंतवणूक ही होतच असते. ह्यात गुंतवणूकदार आपली सोय , मुद्दलाची सुरक्षितता बघत असतो.  तर , भविष्य निर्वाह निधीतली ( PPF) गुंतवणूक ही जरी १५ वर्षांसाठी असली तरी त्यावरील मिळणारा करमुक्त परतावा व सुरक्षितता , ह्या बाबी गुंतवणूकदाराला आकर्षित करतात.  असो , तर मंडळी आजच्या अनुदिनीचं प्रयोजन हे आपल्याला एखादं गुंतवणुकीचं माध्यम अथवा योजना ही दुसऱ्या गुंतवणुकीसमोर कशी अयोग्य आहे हे दाखवायचं नसून उपलब्ध पर्यायातील कोणता पर्याय तुमच्या गरजा पूर्ण करू शकतो हे समजावून सांगणं आहे.  ह्या...

नमस्कार मंडळी! असं कधी आपल्या बाबतीत झालं आहे का ? म्हणजे तुम्ही विमा पॅालीसी घेते वेळी एक प्रिमियम होता आणि ज्या वेळेस तुमचा प्रस्ताव  ( Proposal)  विमा कंपनीने स्विकारला त्या वेळेस तो वाढला. जर , असं झालं असेल ना तर मंडळी काळजीचं कारण नाही. का ? विचारता. सांगतो , सांगतो! राव , थोडा वेगळा विचार करा! विमा पॅालीसी विकणारी ‘विमा कंपनी’ ही एक कंपनी आहे ना की , धर्मदाय संस्था ?  म्हणजे ती फायद्यातच काम करणार. बरोबर ना! हा , तर! तिचा नफा , I mean profit  कशात असणार ? विमा पॅालीसीचा कालावधी जर वीस वर्षाचा असेल तर पूर्ण वीस वर्ष प्रिमियम घेण्यात की मधेच मृत्यूदावा ( Death claim) देण्यात ? काय , चक्रावलात का ? हा! बरोबर विचार केलात , पूर्ण वीस वर्षे प्रिमीयम घेण्यात विमा कंपनीचा फायदा आहे , ना की मधील काळात मृत्यूदावा देण्यात! मंडळी , आता विमा कंपनीने विमाप्रस्ताव स्वीकारण्यात तिचा  नफा बघितला हे तर तुम्हाला पटलं. बरोबर! ह्याचीच दुसरी बाजू म्हणजे कंपनीला खात्री आहे की , ही व्यक्ती पॅालीसीचा कालावधी पूर्ण करणार.  काय राव , बरोबर ना ? So, tension not! तुम्ही म्हणाल ...