Nishchint’s Desk

एक, दोन , तीन…दहा..बारा! आऽऽआ!  राहुलने दणकन दोन्ही डंबेल्स जमिनीवर सोडले. नमस्कार मंडळी! तुम्ही ओळखलं असेलंच आपल्या कथेचा नायक जीम मध्ये वर्क आऊट करतो आहे. राहुल, वय वर्ष ३०, उंची ५ फूट १० इंच आणि वजन ८२ किलो. असो, मंडळी! आज मला काय सांगयचंय तर, एखाद्याला वाटलं आयुष्यावर विमा घ्यायचा आहे म्हणून विमा पॅालीसी विकत घेता येत नाही.  काय आहे मंडळी! बाकी सर्व ठिकाणी आपण, तुम्ही-आम्ही ग्राहक म्हणून मिरवू शकतो अपवाद ‘विमा व्यवहार!’ ग्राहक हा राजा असतो.  कोणत्याही व्यवहारात ‘घेणारा’ हा ग्राहक असतो. पण, विम्याच्या बाबतीत म्हणाल तर तसे नसते. ह्या  व्यवहारात या राजाला कधी नमते घ्यावे लागते. त्याच्या अटींवर विमा प्रस्ताव पूर्ण होऊ शकत नाही.  मंडळी! उलटपक्षी विमा व्यवहारात विमा कंपनीच ग्राहकाच्या, राजाच्या भूमिकेत असते.  काय चक्रावलात ना? सांगतो, कसे काय ते! मंडळी! मला सांगा आज तुम्ही ₹ १२०० ला दोन  डझन आंबे घेतलेत आता ह्यातले समजा २ आंबे खराब निघाले तर? हं, तुम्हाला ते बदलून देण्याची हमी आंबेवाला देतो; पण समजा एखाद्या विमा इच्छुकास मधुमेहाचा त्रास आहे तर? राव! इथेच...

    "किती मिळतील?"  " ह्याच्या पेक्षा बाबांनी इक्विटी मध्ये गुंतवले असते तर..."  " मिहीर , असे आहे !" केलेल्या गुंतवणुकीतून रक्कम केव्हा व किती मिळावी , हे मुद्दे महत्त्वाचे जरूर असतात . पण ते   व्यक्तीसापेक्ष असतात आणि त्यावेळच्या परिस्थितीनुरूप ते घेतले जातात . मार्केट हे नेहमीच मागणी व पुरवठा या नियमावर हेलकावे खात असते . मग ते तुझे दररोजच्या जीवनातील आवश्यक , अत्यावश्यक पदार्थ , वस्तू अथवा एखाद्या कंपनीच्या शेअरची नाहीतर म्युच्युअल   फंडातील फंडाची NAV असो , बाजार हा 'Bullish' आणि 'Bearish' अशा दोन 'B' वर बेतलेला असतो .   ह्या उलट तुझी , माझी आर्थिक उद्दिष्ट्ये ही स्थिर असतात . ती उद्दिष्ट्ये योग्य त्या वेळेत पूर्ण होणे आवश्यक असते . अशा वेळेस स्थिर परतावा देणाऱ्या , तसेच कर मुक्त , जोखीम नसलेल्या गुंतवणुकीकडे पर्याय म्हणून बघीतले जाते .   काळाबरहुकूम (Due to passage of time) इतर गोष्टींसोबत गुंतवणुकीचेही पर्याय , प्राधान्य बदलते . पण असे ...